Y︰（浴室化粧中）
D︰（在門外問）你有無見過網上有一段扮明星化粧的片，化半邊臉，扮邊個似邊個。
Y︰（一邊化一邊問）有邊個？
D︰阿嬌、劉嘉玲……什麼都有，總之好多個。（明顯只認得一個半個）
Y︰畀我睇吓……
D︰我要在FB找一下……有，呢個。
Y︰（觀賞中）嘩嘩嘩……
D︰影片下仲有黃子華金句︰「落咗妝之後人哋仲認得你嘅，就叫化妝，人哋唔認得你嘅，就叫做喬裝。」
Y︰ （笑）……你有無發覺，其實黃子華唔係講嘢好笑，佢係中文好。
D︰ 確係幾好。
Y︰「喬裝」，改做「偽裝」，語感就差好遠啦。「易容」，就直頭無驚喜。
D︰係係係……（輪到佢用浴室）
結果我繼續想黃子華有什麼用字好精準的金句，就竟然，忘記了，去追究，他為什麼會在我化妝的時候想起一條「喬裝」片﹗（火）
